Land Rover ARDHI апп-ын тусламжтайгаар бартаат замын жолоодлогыг шинэ чиглэлээр хөгжүүлэхийн тулд what3words-тэй хамтарч байна

Land Rover бартаат замын жолоодлогын ARDHI хэмээх апп-даа нарийвчлалтай 3 үгт хаягийг нэгтгэхийн тулд what3words-той хамтран ажиллалаа.

Бартаат замын жолоодлогын ARDHI апп-тай байхад засмал зам дууссан ч адал явдалтай аяллаа эхлүүлнэ. Жолооч шинэ маршрут төлөвлөж, бусдын гаргасан жимээр аялж, маршрутуудыг хүнд хөнгөнөөр нь үнэлж, зам дагуу хэрэгжүүлсэн ололт амжилтынхаа төлөө тэмдэг авах боломжтой юм.

Тус апп-д Дубайн элсэн манхнаас эхлээд Хойд Африкийн Атласын нуруу хүртэлх Ойрхи Дорнод, Африкийн өргөн уудам нутгийг хамарсан олон мянган маршрутыг төлөвлөсөн. Түүнчлэн энэхүү апп-аас цаг агаарын мэдээ үзхээс гадна яаралтай тусламж шаардлагатай үед ойролцоо явж буй жолоочдын анхаарлыг татах “дохионы пуужин” илгээх боломжтой.

ARDHI аппад жолооч нарыг газрын зураггүй нутаг руу хөтлөх маш олон зам байдаг тул байршлыг нарийвчлалтай бөгөөд найдвартай тогтоож, мэдэгдэх шаардлага гардаг. GPS солбицлууд нарийвчлалын түвшин сайтай ч хэрэглэхэд хэцүү, бусадтай хуваалцахад алдаа гарах магадлал ихтэй юм. Ийм учраас ARDHI апп системдээ what3words-ийг нэгтгэсэн.

what3words хаягийн систем нь 3м х 3м хэмжээтэй 57 их наяд квадратаас бүрдэх дэлхийг хамарсан торон сүлжээнд суурилсан. Квадрат бүрд дахин давтагдашгүй 3 үгт хаягийг урьдчилан хуваарилсан. Эдгээр нь GPS солбицлуудтай ижил түвшний нарийвчлалтай байх боловч санах болон хуваалцахад хамаагүй хялбар юм.

Жолооч нар маршрутын хүрэх цэг эсвэл зам дагуух цэгүүд байдлаар хэрэглэх 3 үгт хаягуудыг ARDHI апп-д оруулах боломжтой юм. Өөрөөр хэлбэл тэд огт судлагдаагүй нутаг орон руу бартаат замаар явж, дараа нь найзуудтайгаа Умм Аль-Кувайн дахь ///revised.bonuses.cheeses хаяг бүхий буудаллах цэгт уулзахаар төлөвлөх, аль эсвэл ///lectured.harpoon.just гэсэн хаяг бүхий буйдхан Хасабын эргийг судалж болно.

Түүнчлэн жолооч хүндрэл саадтай учирвал одоо байгаа байршлаа 3м х 3м хэмжээтэй квадрат хүртэл нарийвчлалтай тогтооход 3 үгт хаягийг хэрэглэх боломжтой. Энэ тохиолдолд ойр хавьд байгаа бусад жолооч эсвэл эрэл хайгуулын болон онцгой албаны тээврийн хэрэгслүүд яг хаашаа явж тусламж үзүүлэхээ мэдэх боломжтой болно. what3words нь интернэт холболтгүй, утасны сүлжээгүй үед ч ажилладаг тул соёл иргэншлээс хол газар автомашинаар аялах үед хэрэглэхэд тун тохиромжтой.

what3words-ийг одоогоор 170 гаруй улс оронд хэрэглэж байна. Тус систем нь автомашин ба дроны хүргэлтийн компани, шуудангийн алба, ложистикийн компани, аяллын хөтөч, ТББ болон нарийвчлалтай байршил олох, хуваалцах шаардлагатай хүн бүхэнд ач тусаа хүргэж байна.

“Газар орны жинхэнэ түүх засмал замын чанадад оршдог” гэж Jaguar Land Rover Middle East компанийн маркетингийн менежер Мохаммед Жарадат өгүүлжээ. “ARDHI бол дэлхийн анхны бартаат замын аяллын апп бөгөөд жолооч нарт шинэ зам нээх, маршрутаа дэлхий дахинтай хуваалцах боломж олгодог. what3words жолоочид сайн хань болж, аяллын очих цэгүүдийн байршлыг нарийвчлалтай зааж өгдөг” хэмээн тэрээр үргэлжлүүлэн ярив.

“Ойрхи Дорнод бол боломж, нээлтээр дүүрэн бүс нутаг юм” хэмээн what3words-ийн Гүйцэтгэх захирал, үүсгэн байгуулагч Крис Шэлдрик өгүүлсэн. “ARDHI апп адал явдлын мэдрэмжийг тэргүүний технологитой хослуулснаар эдгээр үнэт зүйлийн биелэл болж байна. Би дараачийн удаа энэ бүс нутагт ирж өөрийн гэсэн цоо шинэ замуудыг гаргахдаа ARDHI-г ашиглах болно” гэж тэрээр нэмж өгүүлэв.

what3words-ийг автомашин ба тээвэрт ашиглах талаар илүү их мэдээлэл олж авах

what3words дэмждэг

what3words-н шинэчлэлтийг авахын тулд бүртгүүлнэ үү